ياصافي الـود ودك لايجـي ضـدي
خلك على قلـب محبوبـك تمنانـي
ياشوق أنا في غرامك واصلن حدي
كلك على بعض تجري وسط شرياني
لـو الغـلا ينعـزل يامعذبـي ودي
بريح الروح مـن تعذيبـك الجانـي
يامنيتي غصب حبك صادق وجـدي
يدفعني الشوق يمك ونتكـس ثانـي
أنا غريق المشاعر جزري ومـدي
وأنته لي الشاطي اللي يرسي أماني
تدري حبيبي أحبـك حـب متعـدي
في وصفها يعجز التفكير والسانـي
نبض المشاعر سريع النبض والعدي
خفقات قلبي تسارع رتمهـا بانـي
يهتز فيني كيانـي قبـل مـا لـدي
في صورتك داخل أعماقي ووجداني
يامهرة العشق عشقي سامـره ودي
ليل الهوى يلعب المنكوس بالحانـي
يطرب لسمعه بنات الفكـر وتـردي
قوافياً في هواكـم يأجمـل أوطانـي
عذب القوافي حبيبي تكتبـه يـدي
مافيه بيتـاً يلـوق الا لكـم جانـي
شامخ غرامك يبيح خافـي السـدي
لجلك حبيبي سرجت الشعر لك عاني
أما اوصله بالعطا تعطي وهو يـدي
ولا عسى الله يخلفـه راح مجانـي
أسمع نهاية كلامي يالهـوى النـدي
بين القوافي تلاقي أصدق أشجانـي
*&%$#@! بقلم شاعر شعبى *&%$#@!
ليست هناك تعليقات:
إرسال تعليق